Tuesday, January 31, 2012

Adda gayam utekna

Roma: ’Mari, nadesgrasia ni lakaymo iti motor. Rimmuar ti utekna. Idde: Yeheyy! Roma: Apay a maragsakanka, ‘Mari, ket nadesgrasia la ngaruden ni kompari? Idde: Wen, a, ta napaneknekakon nga adda utekna, ‘Mari. Ibagbagada ngamin nga awan utekna. Bannawag, Marso 26, 2007

Pagtaengan ni Dexter Marin Fabito

Mangala

Aglako: Umaykan mangala iti ikan, ‘nakkong.
Zandra: Mangalaak man ngarud iti sangakilo, nana. (Kalpasanna, simreken iti balayda.)
Aglako: ‘Tay bayadmo, ‘nakkong.
Zandra: Naa, isublik ngaruden, nana. No umaykan gumatang, kunam, koma, a, ket diak koma nangala.

Bannawag, Marso 19, 2007

Pagtaengan ni Dexter Marin Fabito

Monday, January 30, 2012

Isuot

Teody: Naggapuam, Atanud?
Asseng: Napanko inpagna ‘toy papelesko a mapan Canada, Atanud.
Teody: Makabulan sa daytan. Di met la malpasen.
Asseng: Wen, ngarud. Ania ngata ti nasayaat nga aramidek?
Teody: Intaraymon, Atanud. Al-alisto ngem ti ipagnam.

* * *

Anak: Alan, a, inang, isuotkon dayta ginatangta a bra ni manang. Umanay kaniak.
Ina: Madi, anak.
Anak: Haiskulakon, inang.
Ina: Madi ngarud, Zandra, ta addata ditoy uneg ti dyip.

Bannawag, Marso 05, 2007

Pagtaengan ni Dexter Marin Fabito

Sumukat iti puesto

Teody: Uray dakkel ti sueldok agittakon iti trabahok, ‘tanud. Asseng: Apay narigat? Teody: Saan, ‘tanud, ngem paiyawidda diay obraek no adu ti ikamakammi. Asseng: Ket ana koma’t rigatna? Teody: Narigat ti agiyawid iti balsamaren, atanud.

* * *

Asst. Manager: natay ti managertayo. Inatake iti puso. Mardi: Sir, mabalin a siak lattan ti sumukat iti puestona? Asst. Manager: wen, a, umanayka la ketdi iti lungonna.

Bannawag, Pebrero 19, 2007


Pagtaengan ni Dexter Marin Fabito

Free Delivery




PAT: Darsem ti agrubuat, Lakay. Ipannak idiay Jollibee ket aganakakon.
ANDO: Masangom pay la ti ag-Jollibee, Baket, ket aganakka la ngaruden?
PAT: Saanak a mapan mangan, Lakay. Adda ngamin free delivery sadiay.

* * *

Jojo: Inang, mabalin nga aganak ti agtawen iti 39?
Ina: Wen, ‘nakkong.
Jojo: Ti 25?
Ina: Wen, a.
Jojo: Ti 9?
Ina: Saan.

Jojo: Yesss!
Ina: Aysus! Dika agar-aramid, anakko.
Jojo: Alla, ni inang! Homeworkmi a grade 3.

Bannawag, Pebrero 12, 2007


Pagtaengan ni Dexter Marin Fabito

Order in the Court

Bista ti kaso ti kasinsin ni Ponso. Agtantanabutob ta mabisinen.
Hues: Order! Order in the court!
Ponso: Maysa nga igado ken maysa nga innapuy, Your Honor

* * *

Bannawag, Pebrero 15, 2007


Pagtaengan ni Dexter Marin Fabito

Tomboy

Mommy: Idiaykanto bangir a maturogen, nakkong. Dikan mabuteng uray ta dakkelkan.
Anak: Apay ngarud ni Inday, mommy? Kadkaduaen met no kua ni daddy ket dakkel met isunan.

* * *

Genie: Ania man a dawatem maited kenka.
Jojo: (maragsakan) Kayatko a maagkan ni Diana Zubiri.
Genie: Okey. Ita met laeng, agbalinka a lipstick.

* * *

Itang: Tomboyka kano met, Jona.
Jona: Saan met, a.
Itang: No inbaga itay ni Miks.
Jona: Ayanna daydiay a demonio ta makaraman kaniak iti danog? Haahh!

Bannawag, Enero 08, 2001



Pagtaengan ni Dexter Marin Fabito